U Śvietłahorsku za reposty sudzili brata mužčyny, jaki vajavaŭ za Rasiju i zahinuŭ
Dźmitryja Suchanava sudzili pavodle administracyjnaha artykuła za raspaŭsiud ekstremisckich materyjałaŭ.
16.07.2024 / 11:15
Dźmitryj Suchanaŭ. Fota: sacsietki
Dźmitryj Suchanaŭ — brat Marata Suchanava, jaki ŭ lutym minułaha hoda zahinuŭ va Ukrainie ŭ składzie rasijskaj armii.
U Rasii Marata Suchanava sudzili pa narkatyčnym artykule, u turmie jon zavierbavaŭsia ŭ PVK «Vahnier» i adpraviŭsia na vajnu, dzie i zahinuŭ. Baćka Marata Tair Suchanaŭ paźniej skardziŭsia, što nie atrymaŭ vypłat za śmierć syna, piša «Homielskaja Viasna».
Dźmitryja Suchanava ŭ Śvietłahorsku sudzili za raspaŭsiud ekstremizmu. Z-za jakoha kankretna repostu jon trapiŭ u pole zroku siłavikoŭ, nieviadoma. Taksama nieviadoma i pakarańnie, jakoje vyznačyła sudździa Kryścina Kaśjanava