La rezidencyi Pucina na Vałdai pastavili niekalki ZRPK «Pancyr-S1»
Na zienitny kompleks «Pancyr-S1», jaki bačny na spadarožnikavych zdymkach Google, na vostravie Rabinavy za 3,7 kiłamietra ad Vałdajskaj rezidencyi źviarnuła ŭvahu Radyjo Svaboda.
16.07.2024 / 11:01
Sistema supraćpavietranaj abarony staić na viežy, takija ž byli raniej zaŭvažanyja ŭ Maskoŭskaj vobłaści. Žurnalisty taksama vyvučyli spadarožnikavyja zdymki na servisie Planet.com za minułyja miesiacy i pryjšli da vysnovy, što ŭstanoŭka SPA la rezidencyi Pucina na Vałdai źjaviłasia ŭ sakaviku 2024 hoda. Prykładna za try kiłamietry ad hetaj ža rezidencyi stajać jašče dva padobnyja na SPA abjekty.
U studzieni 2023 hoda «Ahienctva» paviedamiła, što kompleks «Pancyr-S1» pastavili ŭ vioscy Jaščarava ŭ Naŭharodskaj vobłaści, heta za šeść kiłamietraŭ ad vałdajskaj rezidencyi Pucina.
Sistemu SPA «Pancyr-S1» za dziesiać kiłamietraŭ ad rezidencyi Pucina ŭ Nova-Aharovie na spadarožnikavych zdymkach zaŭvažyła raniej vydańnie «Sirena». Kadry byli źniatyja ŭ pačatku studzienia 2023 hoda.
Jašče niekalki sistem SPA byli vyjaŭlenyja prykładna za dva kiłamietry ad aeradroma «Astafjeva», jaki naležyć Minabarony Rasii, a taksama niedaloka ad mierkavanaj rezidencyi Pucina la Krasnaj palany ŭ Krasnadarskim krai.