Łukašenka zajaviŭ, što biełarusy nie chočuć vajny, ale «na lubuju pravakacyju adkaz budzie rašučym i žorstkim»
Jon znoŭ pravioŭ paraleli z 1941 hodam.
16.07.2024 / 11:32
Biełarusy nie chočuć vajny, ale na lubuju pravakacyju adkaz budzie rašučym i žorstkim. Pra heta Alaksandr Łukašenka zajaviŭ na cyrymonii hanaravańnia vypusknikoŭ vyšejšych vajennych navučalnych ustanoŭ i vyšejšaha aficerskaha składu, jakaja adbyłasia 16 lipienia ŭ Pałacy Niezaležnaści, piša BiełTA
Łukašenka zajaviŭ, što Biełaruś časam paprakajuć u eskałacyi i nahniatańni abstanoŭki. Choć, pa jaho słovach, na spravie jana harantuje vajennuju biaśpieku i ŭmacoŭvaje svaju abaranazdolnaść, kab nie dapuścić paŭtareńnia trahiedyi 1941 hoda.
«My i dalej budziem raźvivać, umacoŭvać i ŭdaskanalvać našy Uzbrojenyja siły, taksama z ulikam vopytu bajavych dziejańniaŭ, — zapeŭniŭ jon. — Biełarusy nie chočuć vajny, ale na lubuju pravakacyju suprać nas adkaz pavinien być rašučym i žorstkim. Kožny z vas heta pavinien zasvoić. Heta naša pryncypovaja pazicyja. Jość kamu i jość čym adkazać lubomu ahresaru».
Pahony hienierał-majora ŭručany pałkoŭnikam Alaksandru Bykavu, Iharu Kazłovu, Vadzimu Siarovu, Rusłanu Čechavu.
Pałkoŭniku ŭnutranaj słužby Siarhieju Załmanoviču ŭručyli pahony hienierał-majora ŭnutranaj słužby. Pahony hienierał-majora justycyi ŭručany pałkoŭniku justycyi Alaksieju Alaškieviču. Načalniku Homielskaj mytni Andreju Misiučenku prysvojena piersanalnaje zvańnie dziaržaŭnaha daradcy mytnaj słužby III ranhu.
Chrenin paśla zahadu Łukašenki imhnienna pačaŭ advodzić vojski z paŭdniovaj miažy