Hramadstva

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Dron-kamikadze pralacieŭ nad Biełaruśsiu 300 kiłamietraŭ. I heta ŭžo druhi za siońnia.

Ilustracyjnaje fota: Minaabarony

Dron-kamikadze, jaki ranicaj zalacieŭ u pavietranuju prastoru Biełarusi, mierkavana dasiahnuŭ Mahilova. Dla pierachopu šachieda padniali bajavuju avijacyju.

U 09:15 z aeradroma «Baranavičy» byŭ uźniaty źniščalnik Su-30 Vajenna-pavietranych sił, a z aeradroma «Mačuliščy» ŭ 09:10 viertalot Mi-24, paviedamlaje «Biełaruski Hajun».

Pa danych manitorynhavaj hrupy, šachied lacieŭ pa nastupnym maršrucie: zachod u Biełaruś u rajonie trasy R37 (v. Alaksandraŭka) dalejšy ruch na Naroŭlu, dalej BPŁA zajšoŭ u Mahiloŭskuju vobłaść i ruchaŭsia na Babrujsk, Bychaŭ, Bierazino i dalej na Mahiloŭ.

@nashaniva Čamu šachiedy pačali adzin za adnym zalatać u Biełaruś? #biełaruś #ukrajina #šachied #dron #droni #vijna #minsk #mohilev #homiel #našaniva ♬ War Hammer - Noise Candy Music

Na biahučy momant BPŁA ŭžo pralacieŭ nad Biełaruśsiu bolš za 300 km.

Heta ŭžo čaćviorty dron-kamikadze, jaki zalacieŭ na terytoryju Biełarusi z 11 lipienia i druhi za siońniašni dzień.

Kamientary da artykuła