Łukašenka zajaviŭ, što Ukraina zdymała z frontu samyja bajazdolnyja častki i adpraŭlała ich na miažu Biełarusi
Łukašenka, vystupajučy pierad vypusknikami vyšejšych vajennych navučalnych ustanoŭ i vyšejšymi aficerami, čarhovy raz zakranuŭ temu paŭdniovaj miažy.
16.07.2024 / 14:07
Jon zajaviŭ, što imkniecca dypłamatyčnym sposabam vyrašyć kanflikty z susiedziami. U prykład pryvioŭ advod vojskaŭ ad paŭdniovaj miažy, jaki jon pravioŭ nibyta paśla taho, jak Ukraina adviała svaje vojski.
Pry hetym Łukašenka zajaviŭ, što ŭkrainskaje kamandavańnie pasiarod vajny zdymała samyja bajazdolnyja častki z frontu i adpraŭlała ich na miažu ź Biełaruśsiu.
«Ja b nie skazaŭ, što [situacyja na miažy] abvastryłasia, ale jana vyjšła za ramki toj, jakaja była. My zaŭvažyli, što ŭkraincy pačali kancentravać peŭnyja vojski, u tym liku zdymajučy z frontu, samyja padrychtavanyja Bajavyja vojski, na pamiežžy», — zajaviŭ Łukašenka.
Jon znoŭ zajaviŭ, što nibyta damoviŭsia z ukrainskimi vajskoŭcami ab deeskałacyi, tamu što «stralać — heta krajni mietad», piša BiełTA.
«Nam daviałosia abiacać ludziam i reahavać. Usie, chto prymaŭ udzieł u hetym reahavańni, zasłuhoŭvajuć samaj vysokaj acenki. Ja Vam za heta vielmi ŭdziačny. Ale vopyt u stralbie — heta krajni mietad. Heta naš mietad, my im pavinny vałodać, ale heta krajniaja miera.
Treba zaŭsiody vučycca damaŭlacca. U tym liku i vajskoŭcam. U dadzienym kanflikcie ŭsiu rolu vykanali vajennyja. My dypłamataŭ nie pryciahvali. Ale pracavali my dypłamatyčnaj movaj. Damahlisia pośpiechaŭ», — vykazaŭ mierkavańnie Łukašenka.
Pry hetym jon pryznaŭ, što Ukrainie vajna na hetym kirunku nie patrebnaja.
Chrenin paśla zahadu Łukašenki imhnienna pačaŭ advodzić vojski z paŭdniovaj miažy