Na Alimpijadu ad Biełarusi jedzie minimalnaja ŭ historyi kolkaść udzielnikaŭ — 16 čałaviek
Siońnia byŭ zaćvierdžany biełaruski skład udzielnikaŭ na Alimpijskija Hulni ŭ Paryžy.
16.07.2024 / 14:37
Pasiadžeńnie pravioŭ prezident Nacyjanalnaha alimpijskaha kamiteta Viktar Łukašenka. Fota: team.by
16 lipienia ŭ štab-kvatery Nacyjanalnaha alimpijskaha kamiteta adbyłosia pasiadžeńnie vykankama, na jakim zaćvierdzili skład spartoŭcaŭ i asob, jakija ich buduć supracvadžać, na Alimpijskija hulni ŭ Paryžy, paviedamlaje telehram-kanał NAK.
Spartoŭcaŭ jedzie ŭsiaho 16 čałaviek, jany vystupiać u dzieviaci vidach sportu: u viełasporcie (šašy), akademičnym viesłavańni, płavańni, kulavoj stralbie, skačkach na batucie, hreka-rymskaj baraćbie, viesłavańni na bajdarkach, taekvando i ciažkaj atletycy:
Baraćba hreka-rymskaja
1. Abubakar Chasłachanaŭ
Viełasport
2. Hanna Cierach
Viesłavańnie akademičnaje
3. Jaŭhien Załaty
4. Taćciana Klimovič
Viesłavańnie na bajdarkach i kanoe
5. Uładzisłaŭ Kraviec
6. Julija Truškina
Płavańnie
7. Illa Šymanovič
8. Anastasija Škurdaj
9. Alina Zmuško
Skački na batucie
10. Vijaleta Bardziłoŭskaja
11. Ivan Litvinovič
Stralba kulavaja
12. Darja Čuprys
13. Alaksandra Piatrova
Taekvando
14. Hieorhij Hurcyjeŭ
Ciažkaja atletyka
15. Siuzana Vaładźko
16. Jaŭhien Cichancoŭ
U Paryžy spartsmienaŭ buduć supravadžać treniery, miedycynski i administracyjny piersanał.
Takim čynam ad Biełarusi na Letniuju Alimpijadu, što projdzie ŭ stalicy Francyi z 26 lipienia pa 11 žniŭnia, minimalnaja z 1996 hoda, kali naša kraina stała vystupać asobnaj kamandaj, kolkaść udzielnikaŭ.
Tak u Tokia-2021 brali ŭdzieł 108 biełaruskich atletaŭ, što zavajavali taksama minimalnuju za ŭvieś čas kolkaść miedaloŭ — siem uznaharodaŭ (adno zołata, try siarebranyja i try bronzavyja miedali). Zołata zavajavaŭ batutyst Ivan Litvinovič.
Na Alimpijadzie ŭ Rya-de-Žaniejra ŭ 2016 hodzie ŭdzielničali 124 biełaruskija spartoŭcy, jakija pryvieźli dzieviać uznaharodaŭ (1+4+4).
Litva dasyłaje 23 spartoŭcaŭ, Łatvija — 29, Estonija — 25.
Alimpijadu-2024 u Biełarusi nie pakažuć
Alimpijskija hulni ŭpieršyniu ŭ historyi budzie kamientavać niejrasietka