Pamior Ihar Hips
U Minsku ad miełanomy pamior viadomy biełaruski dydžej kanca 1990-ch — pačatku 2000-ch Ihar Hips. Jon byŭ adnym z chedłajnieraŭ kultavaha minskaha kłuba «Reziervacyja», dzie prachodzili samyja prykmietnyja i nieardynarnyja viečarynki tych hadoŭ, piša GityDog.io.
16.07.2024 / 18:39
Navinu pra śmierć dydžeja apublikavała siabroŭka muzyki na svajoj staroncy ŭ fejsbuku. Ihar pamior ad ankałohii — u jaho była miełanoma.
«Chłopcy, z nami niama bolš čałavieka-lehiendy Ihara Hipsa. Nie mahu sabrać dumki ŭ skazy. Nie mahu koratka sfarmulavać dziesiacihodździ siabroŭstva, paŭžyćcia adnoj ahulnaj historyi», — napisana ŭ paście.
Zaŭtra (17 lipienia) u 10:30 u minskim krematoryi adbudziecca raźvitańnie z muzykam.
Ihar Hips byŭ znakavym i papularnym muzykam dy dydžejem u kancy 1990-ch — pačatku 2000-ch. Razam ź Dzianisam Łondanam (pamior u 2016 hodzie) jany ładzili adny z samych zapaminalnych viečarynak u kultavym minskim kłubie «Reziervacyja».
U Minsku zakryłasia vielmi stylnaja kaviarny — vy dakładna pra jaje čuli