Ź biełarusam tydzień niama suviazi paśla taho, jak jon pierasiok miažu z Polščaj
Bieraściejka Volha Dźmitruk napisała ŭ fejsbuku, što jaje muž Viktar źnik tydzień tamu paśla pierasiačeńnia miažy z Polščaj.
16.07.2024 / 20:15
Viktar Dźmitruk. Fota: telehram-čat HranicaBY
Pavodle słoŭ Volhi Dźmitruk, muž adpraviŭsia ŭ Polšču na aŭtobusie «Brest — Tarespal». Apošni raz vychodziŭ na suviaź 9 lipienia, kali znachodziŭsia na miažy, a paśla taho pra jaho ničoha nie było čuvać.
Volha Dźmitruk upeŭnienaja, što muž miažu ŭsio ž pierasiok, tamu zdahadki kamientataraŭ pad svaim pastom, što jaho mahli zatrymać biełaruskija siłaviki, ličyć małavierahodnymi. Jana dumaje, što jon źnik u Polščy.
Prablema ŭ tym, što ŭ samoj jaje niama vizy, a tamu sama jana ŭ Polšču pajechać chutka nie moža.
U sacsietkach i pryhraničnych čatach svajaki prosiać źviazacca ź imi tych, kamu niešta viadoma pra los biełarusa.
Viciebskaja siamja znajšła źnikłaha svajaka praz 25 hod
«Mahli ź biełaruskimi pamiežnikami zakuryć cyharetu». Jak žyvie polskaje pamiežža z bufiernaj zonaj