U Biełarusi ŭviali abmiežavańnie roźnicy va ŭzroście pamiž baćkam i dziciom pry ŭsynaŭleńni
Novaŭviadzieńnie prapisana ŭ zakonie «Ab źmianieńni zakonaŭ pa pytańniach rehulavańnia šlubnych i siamiejnych adnosin», jaki ŭnosić źmieny ŭ Kodeks ab šlubie i siamji.
16.07.2024 / 22:20
Ciapier źjaŭlajecca abmiežavańnie roźnicy va ŭzroście pamiž baćkam i dziciom, kali baćkoŭstva adnosna niepaŭnaletniaha dziciaci vyznačajecca dobraachvotna.
Naprykład, žančyna nie znachodzicca ŭ zarehistravanym šlubie i naradžaje dzicia, a baćka choča, kab jaho zapisali ŭ paśviedčańnie ab naradžeńni. Heta značyć, padajecca sumiesnaja zajava ŭ orhan ZAHSa. Ale pamiž baćkam i dziciom pavodle novaha zakona pavinna być nie mienš za 15 hadoŭ roźnicy.
Navošta heta ŭvodziać? Načalnica ŭpraŭleńnia nataryjatu i ZAHSaŭ Ministerstva justycyi Taćciana Saščeka havoryć, što heta vymušany krok. Maŭlaŭ, nie raz byvała takoje, kali orhany ZAHSa źbiralisia ŭnosić danyja, a akazvałasia, što na momant naradžeńnia dziciaci baćku było ŭsiaho na 9 abo 10 hadoŭ bolš. A heta prynamsi dziŭna.
«Z našaha punktu hledžańnia takoje novaŭviadzieńnie budzie pavyšać adkaznaść baćkoŭ za vychavańnie i naradžeńnie dziaciej», — upeŭnienaja Taćciana Saščeka.
Źmianieńnie ŭstupaje ŭ siłu z pačatku 2025 hoda.
U Indyi ženicca syn samaha bahataha čałavieka krainy. Na viasielle patracili šalonyja hrošy
Marharyta Laŭčuk vypuściła pieśniu, jakuju zapisała razam z mužam
Kolki biełarusaŭ chočuć mieć dziaciej, a kolki ŭchvalajuć razvody