Siońnia apošni dzień pryjomu dakumientaŭ u VNU na biudžet. Budzie horača ŭ pramym i pieranosnych sensach
Bolšaść VNU 17 lipienia zaviaršajuć pryjom dakumientaŭ ad abituryjentaŭ, jakija chočuć pastupić na biudžet, a taksama ad płatnikaŭ, jakija zdajuć unutranyja ispyty.
17.07.2024 / 11:43
U Minadukacyi prahnazujuć, što heta budzie napružany dzień dla pryjomnych kamisij. Jany buduć pracavać «da apošniaha abituryjenta». Adnak dostup u karpusy spynicca roŭna a 18:00.
«Tyja abituryjenty, jakija zajšli ŭ korpus da 18:00 i chočuć padać dakumienty, buduć pryniatyja pryjomnaj kamisijaj, my budziem pracavać, pakul absalutna ŭsie achvotnyja nie padaduć dakumienty», — adznačyŭ prarektar BDU Viktar Kočyn.
Mienavita ŭ apošni dzień pačynajecca «taja samaja honka», kali abituryjenty z paŭprachadnymi bałami robiać važny vybar. Achvotnych padać dakumienty bolš, čym napiaredadni.
Infarmacyja ab chodzie pryjomu dakumientaŭ na sajtach VNU budzie abnaŭlacca a 12:00, 15:00 i 17:00, piša Onliner.by.
Usiaho sioleta VNU płanujuć pryniać 50,6 tys. abituryjentaŭ, ź ich 31,4 tys. — na biudžet.