U Mazyry bajcoŭski sabaka pakusaŭ dvuch dziaciej
U Mazyry bajcoŭski sabaka pakusaŭ dvuch dziaciej, 2015 i 2017 hadoŭ naradžeńnia. Incydent adbyŭsia na minułym tydni.
17.07.2024 / 16:21
Fota ilustracyjnaje
Incydent adbyŭsia na minułym tydni na vulicy Malinina ŭ Mazyry. Pa słovach vidavočcaŭ, sabaku bajcoŭskaj parody vyhulvali biez namordnika i łancužka, jak taho patrabujuć praviły.
U vyniku paciarpieli dvoje dziaciej — dziaŭčynku z ukusami tvaru i vušej pryjšłosia špitalizavać, chłopčyk abyšoŭsia ŭdaram hałavy i množnymi rankami.
Pavodle zakanadaŭstva, za parušeńnie pravił utrymańnia žyvioł haspadara mohuć pryciahnuć da administracyjnaj adkaznaści pavodle art. 16.30 KaAP Biełarusi i aštrafavać na 1-15 bazavych adzinak (siońnia heta da 600 rubloŭ).
Adnak u vypadku, kali sabaka naniasie škodu zdaroŭju ludziej abo ich majomaści, maksimalny štraf dla niadbajnaha haspadara ŭzrastaje ŭ dva razy — da 30 bazavych (siońnia 1200 rubloŭ). U jakaści alternatyvy sud moža pryciahnuć haspadara da hramadskich rabot abo pryznačyć administracyjny aryšt.
U Homieli mužčyna patanuŭ, ratujučy svajho sabaku
Jak čynoŭniki zakuplali rečy dla špica Umki