Mazyrskija ŭłady pryznali, što pieraboi z vodazabieśpiačeńniem u horadzie zastajucca
Na telehram-kanale «Mozyrŝina oficialno» źjaviłasia karotkaje paviedamleńnie, jakoje śviedčyć, što acenka situacyi z adnaŭleńniem vodazabieśpiačeńnia ŭ horadzie paśla razburalnaha ŭrahanu, zroblenaja ŭčora ŭviečary staršynioj miascovaha rajvykankama, nie zusim adpaviadała rečaisnaści.
17.07.2024 / 18:00
Mazyranie ŭ čarzie pa vadu. Fota: Mozyŕ news
«Źjavilisia pieraboi vodazabieśpiačeńnia. Panižany napor vady z-za jaje maksimalnaha spažyvańnia. Pracujuć usie 16 śvidravin, ale z-za nizkaha cisku vada nie padymajecca ŭ damy vyšej 3 paviercha. Situacyja nieŭzabavie ŭrehulujecca», — napisali ŭ aficyjnym kanale.
Učora, aceńvajučy stan na 20:00, staršynia Mazyrskaha rajvykankama Alena Paŭlečka skazała:
«U nas amal adnoŭlena pitnoje vodazabieśpiačeńnie pa horadzie Mazyru, dalej adpracoŭvajem nasielenyja punkty. U 29 nasielenych punktach na praciahu nočy pavinna pastupić pitnaja vada, jakaja «zapitanaja» ad haradskich sietak».
U miascovym čacie hetyja słovy byli sustretyja vielmi krytyčna, mnohija karystalniki pisali, nazyvajučy kankretnyja vulicy, što što vada ŭ ich ci nie źjaŭlałasia zusim, ci była źjaviłasia na vielmi karotki čas i znoŭ prapała.
Mazyrskaja viertykalščyca dałažyła pra adnaŭleńnie vodazabieśpiačeńnia. U kamientarach joj piarečać
Minenierha paviedamiła pra adnaŭleńnie elektrazabieśpiačeńnia Mazyra
Prablemy z elektryčnaściu na Mazyrščynie bjuć pa miedycynskich ustanovach
Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna