Bajden moža vyjści z vybarnaj honki ŭžo na hetyja vychadnyja
Vydańnie Axios paviedamiła na padstavie śviedčańnia svaich krynic, što Džo Bajden blizki da pryniaćcia pastanovy ab źniaćci svajoj kandydatury na pasadu prezidenta ZŠA. Ciapierašni prezident ZŠA nibyta moža aficyjna abviaścić pra heta ŭžo ŭ hetyja vychadnyja.
18.07.2024 / 19:48
Džo Bajden. Fota: Mario Tama/Getty Image
Niekalki vysokapastaŭlenych členaŭ Demakratyčnaj partyi paviedamili Axios, što cisk z boku partyjnych lidaraŭ i blizkich siabroŭ usio bolš pierakonvaje Džo Bajdena ŭ nieabchodnaści źniacca z prezidenckich vybaraŭ, jakija adbuducca ŭ listapadzie.
Jak paplečniki pa partyi, tak i donary demakrataŭ ŭpeŭnienyja, što Bajden užo nie zmoža źmianić hramadskuju dumku, jakaja skłałasia adnosna jahonaha stanu zdaroŭja i mahčymaści vykonvać abaviazki prezidenta ŭ budučyni. Bolš za toje, mnohija demakraty aścierahajucca, što ŭ vypadku vyłučeńnia Džo Bajdena partyja nie tolki z treskam prajhraje prezidenckija vybary, ale sastupić i na pramiežkavych vybarach 2026-ha.
U pryvatnym paradku pra heta prezidentu, pavodle danych amierykanskich ŚMI, paviedamiła byłaja śpikierka Pałaty pradstaŭnikoŭ Kanhresa ZŠA Nensi Pełosi. Pavodle źviestak CNN i Politico, jana hatovaja i publična zaklikać Bajdena da źniaćcia svajoj kandydatury.
Siońnia stała viadoma, što Džo Bajden zdaŭ stanoŭčy test na karanavirus. Prezident zajaviŭ, što adčuvaje siabie dobra, ale znachodzicca ŭ samaizalacyi.
U Bajdena dyjahnastavali karanavirus
Bajden nazvaŭ adzinuju ŭmovu, pry jakoj admovicca ad prezidenctva
Bajden ledź nie paŭtaryŭ hałoŭny łozunh Trampa
Bajden źviarnuŭsia da nacyi ŭ suviazi z zamacham na Trampa
Bajden skazaŭ, što molicca za Trampa, i zaklikaŭ abjadnacca ŭsiu nacyju