Грамадзяніна Германіі прысудзілі ў Беларусі да расстрэлу
У канцы чэрвеня грамадзянін Германіі Рыка Крыгер (Rico Krieger) быў прысуджаны да смяротнага пакарання Мінскім абласным судом, піша Motolkohelp.
19.07.2024 / 15:24
Мужчыну абвінавацілі па артыкулах:
- незаконныя дзеянні ў дачыненні да агнястрэльнай зброі
- прывядзенне ў непрыдатнасць транспарту ці шляхоў злучэння
- стварэнне ці ўдзел у экстрэмісцкім» фармаванні
- агентурная дзейнасць
- наёмніцтва
- акт тэрарызму.
Суд над ім пачаўся 6 чэрвеня.
Вядома, што ў Германіі ў мужчыны засталося непаўналетняе дзіця. Таксама на дадзены момант невядома, ці быў прысуд абскарджаны ці апратэставаны, і ці ўступіў ён у законную сілу.