Na miažy ź Litvoj zatrymali rasijanina, padazravanaha ŭ seksualnych złačynstvach
15 lipienia pamiežniki Połackaha pahranatrada zatrymali ŭ Brasłaŭskim rajonie hramadzianina Rasijskaj Fiederacyi, jaki sprabavaŭ parušyć miažu, paviedamlaje pres-słužba Pahrankamiteta.
19.07.2024 / 17:46
«Vyśvietliłasia, što mužčyna prybyŭ u Biełaruś z Dalokaha Uschodu Rasii i mieŭ namier trapić u Litvu, kab paźbiehnuć kryminalnaha pieraśledu ŭ siabie na radzimie. Zatrymanaha abvinavačvajuć pa artykułach 134 i 242 KK RF (pałavyja znosiny i inšyja dziejańni seksualnaha charaktaru z asobaj, jakaja nie dasiahnuła šasnaccacihadovaha ŭzrostu, i niezakonny vyrab i abarot parnahrafičnych materyjałaŭ abo pradmietaŭ)», — havorycca ŭ paviedamleńni.
Mužčynu pieradali supracoŭnikam Pamiežnaj słužby FSB RF. Za sprobu niezakonnaha pierasiačeńnia miažy i parušeńnie pamiežnaha režymu biełaruski bok pryznačyŭ jamu štraf u pamiery 51 bazavaja vieličynia (2040 rubloŭ).
U Biełarusi ŭviaduć kryminalnuju adkaznaść za prahlad dziciačaha porna
Na Mahiloŭščynie zatrymali 19-hadovaha piedafiła
Asudžanaha za piedafiliju eks-režysiora «Jerałaša» vyzvalili ad pakarańnia. Jon vajuje va Ukrainie