U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču
19 lipienia ŭ kałonii № 11 u Vaŭkavysku zatrymali Taćcianu Franckievič, maci palitviaźnia Alaksandra Franckieviča, jakaja pryjechała ŭ kałoniju ź pieradačaj dla syna. Pra heta piša «Radyjo Svaboda», spasyłajučysia na krynicy z hrupy svajakoŭ palitviaźniaŭ.
19.07.2024 / 18:45
Alaksandr Franckievič z maci
Pavodle krynicaŭ, razam z Taćcianaj Franckievič u kałoniju pryjechała jaje siastra Natalla Łabacevič. «Jaje taksama zatrymali», — paćvierdzili śviedki. Pryčyny zatrymańnia śviedkam nieviadomyja.
Alaksandr Franckievič — aktyvist anarchisckaha ruchu i fihurant spravy «Revalucyjnaha dziejańnia». Jon asudžany da 16 hadoŭ i 9 miesiacaŭ kałonii va ŭmovach strohaha režymu.
Adbyvać termin palitviaźnia spačatku nakiravali ŭ ivacevickuju kałoniju № 5, ale paźniej pieraviali ŭ vaŭkavyskuju PK-11.
Pa infarmacyi pravaabaroncaŭ, ź vieraśnia 2023 hoda Alaksandra źmiaścili ŭ PKT na paŭhoda, a taksama nieadnarazova źmiaščali ŭ ŠIZA. U mai hetaha hoda stała viadoma, što suprać Franckieviča zaviedzienaja novaja kryminalnaja sprava pavodle art. 411 KK (złosnaje niepadparadkavańnie patrabavańniam administracyi kałonii).
Palitviaźnia Alaksandra Franckieviča znoŭ buduć sudzić
Asudžanaha na 19 hadoŭ palitviaźnia pa «spravie anarchistaŭ» znoŭ buduć sudzić
Asudžanaha anarchista Alaksandra Franckieviča pieraviali ŭ vaŭkavyskuju kałoniju