Skarlet Jochansan nazvała kiraŭnika OpenAI Altmana vydatnym pratatypam dla złydnia Marvel
Raniej słavutaja aktorka krytykavała kampaniju z-za vykarystańnia «žachliva padobnaha» na jaje hołas bota GPT-4O.
20.07.2024 / 13:04
Kadr z ramantyčnaj kamiedyi «Pakažy mnie Miesiac» sa Skarlet Jochansen i Čeninham Tejtumam, jaki vyjšaŭ na ekrany 12 lipienia i abiacaje stać chitom.
Skarlet Jochansan adznačyła, što hiendyrektar OpenAI Sem Altman moh by stać vydatnym pratatypam złydnia dla kinasuśvietu studyi Marvel, piša Forbes.
Pa słovach Skarlet Jochansan u intervju vydańniu The New York Times (NYT), hienieralny dyrektar technałahičnaj kampanii OpenAI, jakaja zajmajecca raspracoŭkami ŭ halinie štučnaha intelektu (II), Sem Altman moh by stać pratatypam złydnia dla kinovsielennoj studyi Marvel.
«Ja dumaju, što jon moh by źjavicca ŭ filmie z rabatyzavanaj rukoj», — skazała jana.
U kancy viasny aktrysa abvinavaciła OpenAI u tym, što adzin z hałasoŭ novaj madeli hienieratyŭnaha II GPT-4o «žachliva padobny» na jaje ŭłasny. Kampanija pradstaviła novuju viersiju čat-bota ŭ mai. Dziakujučy abnaŭleńniu niejrasietka navučyłasia śpiavać, mianiać intanacyju hołasu i raspaznavać emocyi karystalnika.
Paśla relizu karystalniki sacsietki adznačyli, što hołas pad nazvaj Sky, adzin ź niekalkich vykarystanych ŠI, padobny na hołas Skarlet Jochansan.
Aktrysa tady zapatrabavała, kab kampanija raskryła praces stvareńnia hołasu dla ŠI-pamočnika.
Jana raspaviała, što jašče ŭ vieraśni 2023 hoda Sem Altman źviarnuŭsia da jaje z prapanovaj dazvolić vykarystoŭvać jaje hołas dla novaha hałasavoha pamočnika ChatGPT, adnak jana admoviłasia «pa asabistych pryčynach».
«Ja adčuvała, što nie chaču być u avanhardzie ŭsiaho hetaha. Mnie prosta padałosia, što ŭsio heta supiarečyć maim kaštoŭnaściam. [Sem Altman] jon pryjšoŭ da mianie z hetaj prapanovaj, i ja nikomu, akramia muža, pra heta nie raspaviała. Akramia taho, mnie padałosia, što ŭsio heta budzie zanadta dziŭna dla maich dziaciej», — patłumačyła ŭ intervju NYT svaju admovu Jochansan.
Kali na prezientacyi kampanija pradstaviła novyja hałasy čat-bota, jana była šakavanaja tym, jak adzin ź ich — Sky — byŭ padobny na jaje ŭłasny. U OpenAI pry hetym paźniej zajavili, što varyjant ahučki Sky nie źjaŭlajecca imitacyjaj hałasy Skarlet Jochansan i naležyć inšaj aktorcy.
U intervju NYT Jochansan taksama dadała, što ŭ jaje vyklikaje aściarohu chutkaje raźvićcio technałohii dypfejku, jakaja dazvalaje z dapamohaj niejrasietak ukaraniać u vyjavy, aŭdyjo i videa peŭnyja elemienty.
Aktrysa nazvała dypfejki «ciomnaj čarviatočynaj, ź jakoj niemahčyma vybracca», adznačyŭšy, što technałohija na hety momant nijak zakanadaŭča nie rehulujecca ŭ ZŠA.
«Jak tolki vy sprabujecie prybrać niešta ŭ adnym miescy, niešta inšaje ŭspłyvaje dzie-niebudź jašče. Jość, viadoma, i inšyja krainy, u jakich dziejničajuć roznyja zakony i praviły. [Ale ŭjavicie] kali vaš były partnior z pomsty vykładzie porna-dypfejk, usio vaša žyćcio moža być całkam razburana», — skazała Jochansan.
***
U filmie «Pakažy mnie Miesiac», zhodna ź siužetam, u 1960-ja hady Bieły dom zahadvaje źniać padrobku pra vysadku na Miesiac na vypadak, kali realnaja vysadka «Apałona-11» abierniecca pravałam. NASA najmaje ekśpiertku pa rekłamie, kab taja zrabiła pazityŭny imidž kaśmičnaj prahramy. Hieroj Čeninha Tejtuma — hałoŭnaha inžyniera pa zapusku — spačatku nie zadavoleny pijarščycaj, ale potym pamiž hierojami ŭźnikajuć ramantyčnyja pačućci.
Anansavanaja ChatGPT-5, jakaja moža nieści pahrozu ŭsiamu čałaviectvu
Openal, Microsoft i Amazon damovilisia abaraniać čałaviectva ad mahutnych ŠI-sistem
«Ja šakavanaja i złaja». Skarlet Jochansan abvinavaciła OpenAI u kradziažy svajho hołasu