USU nanieśli ŭdar pa vajskovym aeradromie ŭ Rastoŭskaj vobłaści
Ukraina ŭ noč z suboty na niadzielu naniesła ŭdar pa rasijskim vajskovym aeradromie Milerava ŭ Rastoŭskaj vobłaści, paviedamlajuć šmatlikija telehram-kanały i ŚMI sa spasyłkami na manitorynhavyja hrupy.
20.07.2024 / 18:29
Spadarožnikavy zdymak aeradroma ŭ Mileravie
Usiaho pablizu aeradroma miascovyja žychary čuli nie mienš za 16 vybuchaŭ, paśla čaho ŭ rajonie ŭźlotna-pasadačnaj pałasy i stajanak samalotaŭ pačaŭsia pažar, adznačaje telehram-kanał «Krymskij vietier».
Na aeradromie Milerava bazujecca 31-y źniščalny avijacyjny połk.
Infarmacyju pra ŭdar pa aeradromie ŭskosna paćviardžaje i pablik «Eto Rostov», jaki apublikavaŭ videa bujnoha pažaru, źniataje, pavodle apisańnia, u Mileraŭskim rajonie paśla ataki USU. Dzie mienavita byŭ zrobleny zapis, administracyja kanała nie ŭdakładniła.
Pra ŭdar pa aeradromie i nastupny pažar na im pišuć i rasijskija pravajennyja błohiery, śćviardžajučy, što samaloty, maŭlaŭ, nie paciarpieli.
Akramia aeradroma, cellu dla ataki mahła być i miascovaja naftabaza.
Minabarony RF, u svaju čarhu, tradycyjna dało spravazdaču pra «źniščeńnie i pierachop» 26 BPŁA ŭ niebie nad Rastoŭskaj vobłaściu, a taksama adnaho drona nad Smalenskaj vobłaściu.
U Rastoŭskaj vobłaści z-za ataki dronaŭ haryć naftabaza
Hetaj nočču ŭkrainskija i rasijskija harady byli atakavanyja bieśpiłotnikami
U Tamboŭskaj vobłaści paśla ataki dronaŭ zaharełasia naftabaza
Ukrainskija drony ŭdaryli pa reziervuarach z palivam u Azovie. Uźnik vialiki pažar