Były palitviazień spaliŭ svoj biełaruski pašpart VIDEA
Praŭda, dakumient Jaŭhiena Čarvinskaha ŭžo i tak byŭ praterminavany.
20.07.2024 / 21:03
Były palitviazień Jaŭhien Čarvinski apublikavaŭ u instahramie videa, na jakim spalvaje svoj biełaruski pašpart. U kamientary «Našaj Nivie» jon nazvaŭ svoj pierformans pasyłam biełaruskim uładam.
Ciapier u Čarvinskaha niama pašpartu, ale chłopiec nie pieražyvaje — jon padaŭsia ŭ Polšču na mižnarodnuju abaronu i atrymaŭ adpaviedny dakumient.
A biełaruski pašpart u jaho ŭžo byŭ niesapraŭdny — termin prydatnaści skončyŭsia ŭ žniŭni 2023 hoda.
Jaŭhien Čarvinski byŭ aryštavany ŭ noč paśla inaŭhuracyi Alaksandra Łukašenki 23 vieraśnia 2020 hoda. Jamu prysudzili dva z pałovaj hady pazbaŭleńnia voli pa artykule 363 KK (supraciŭ supracoŭniku milicyi). Čarvinskaha abvinavacili ŭ tym, što jon raspyliŭ hazavy piarcovy bałončyk, uciakajučy ad amapaŭcaŭ. U studzieni 2023 hoda vyjšaŭ na volu pa zakančeńni terminu.