Zorka tyktoku Liza Vietrava zakryvaje svoj papularny błoh pra biełaruskuju movu
Błohierka Liza Vietrava, jakaja stvaraje papularnyja zabaŭlalna-adukacyjnyja videa ŭ tyktoku i instahramie, paviedamiła, što zakryvaje svoj błoh pra biełaruskuju movu, zaŭvažyŭ reformby.org.
21.07.2024 / 08:20
Liza Vietrava. Fota: li_vetrava / instagram.com
«Heta rašeńnie było pryniać składana. Razumieju, što bolšaść tut z-za śmiešnych videa pra biełaruskuju movu. Ale ja duža stamiłasia rabić vyhlad, što heta ŭsio jašče pra mianie. Napačatku maja staronka rasła arhanična sa mnoj. Ja sapraŭdy aktyŭna vyvučała rodnuju movu, čym i dzialiłasia. Ale niadaŭna, paśla vystaŭleńnia kamiery, ja prosta nie zmahła źniać žartoŭny skietč. Choć i cudoŭna razumieła, što videa dobra «zojdzie». Ja adčuła, što hvałtuju siabie prymušajučy zdymać, navat duža kłasnyja scenary, bo heta ŭžo nie ja», — napisała błohierka.
Adnak Liza Vietrava dadała, što jaje «staronka ŭsio šče pra Biełaruś».
«I ja praciahnu zdymać videa. Na roznyja temy. I vierahodna pra biełaruskuju movu taksama, ale pa-inšamu. Nasamreč, ja chaču razmaŭlać z vami pra ŭsio — pra naš charaktar, mientalitet, pra fieminizm, pra seks, pra styl, pra knihi, pra budučyniu, pra ŭsio».
Vietrava prapanavała znajomicca nanova. «Ja Liza — miedyja-ekśpiertka, prajektnaja menedžerka, kiraŭnica adździełu kamunikacyj u «Hodna», aktyvistka», — dadała jana.
Pahladzicie, jak prykolna vyhladaje biełaruski pašpart pad ultrafijaletam
Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?