На беларуска-кітайскіх вучэннях адпрацоўвалі захоп аэрапорта — South China Morning Post
Антытэрарыстычныя вучэнні Eagle Assault (Атакуючы Сокал) прайшлі недалёка ад мяжы з Польшчай і Украінай.
21.07.2024 / 18:23
Фота: Міністэрства абароны Беларусі
Пра гэта паведамляе ганконская газета South China Morning Post.
Паводле звестак выдання, вучэнні прайшлі недалёка ад горада Брэст, які знаходзіцца за 28 км ад мяжы з Украінай і Польшчай.
«Беларуска-кітайскія паветрана-пошукавыя штурмавыя групы адпрацавалі пошук базавага лагера ўмоўнай тэрарыстычнай арганізацыі. А пасля яго выяўлення здзейснілі дэсантаванне з верталётаў Мі-8МТВ-5», — гаворыцца ў паведамленні абароннага ведамства Беларусі.
У ліку іншага была адпрацавана аперацыя па ўзяцці кантролю над аэрапортам, які па сцэнарыі быў захоплены тэрарыстычнай арганізацыяй.
Вучэнні сталі першымі сумеснымі манеўрамі дзвюх краін. Мінабароны Кітай апублікавала паведамленне ў WeChat, у якім адзначыла добрыя тэхнічныя навыкі і салідны ўзровень падрыхтоўкі войскаў дзвюх краін.
Беларускія і кітайскія вайскоўцы адпрацуюць бой у населеным пункце непадалёк ад мяжы з Польшчай
Дадатковых пагроз з боку Беларусі пакуль няма — ГУР