U rasijskim Źvianiharadzie biustu Stalina ściali hałavu kuvałdaj FOTA
Paśla hetaha nieviadomy mužčyna taksama atakavaŭ biust Lenina.
22.07.2024 / 01:14
Fota: «Ostorožno, novosti»
Pomnik Stalinu ŭ padmaskoŭnym Źvianiharadzie byŭ ustalavany letam 2023 hoda na pryvatnyja achviaravańni aktyvistami hrupy «Pamiatajem svaich hierojaŭ». Pry hetym ustanoŭku biusta ź miascovymi ŭładami nie ŭzhadniali.
Čynoŭniki, adnak, znosić biust nie stali — paabiacali pieranieści jaho ŭ inšaje miesca. Adnak ideja ŭstanoŭki pomnika Stalinu vyklikała ŭ hramadstvie nieadnaznačnuju reakcyju, pišuć «Ostorožno, novosti».
Mnohija žychary Źvianiharada takuju inicyjatyvu asudzili. U sakaviku ŭ čarhovuju hadavinu z dnia śmierci Stalina nieviadomyja farbaj vypravili proźvišča savieckaha dyktatara, zamianiŭšy litaru «t» na «r».
20 lipienia nieviadomy mužčyna advažyŭsia na bolš radykalnaje dziejańnie. Z dapamohaj kuvałdy jon źnios Stalinu hałavu. Akramia taho, hetaj ža kuvałdaj mužčyna paškodziŭ biust Lenina, jaki taksama ŭstanoŭleny niezakonna. Pry hetym mužčyna hučna śmiajaŭsia.
Aficyjnyja ŚMI paviedamlajuć, što padazravanaha ŭžo zatrymali. U milicyi zajavili, što jon znachodziŭsia ŭ nieadekvatnym stanie.
Prapahandysty pachvalilisia vandalizmam u Kurapatach FOTY
Biełarusy i palaki adnavili źniščany ŭ rasijskaj vioscy pomnik achviaram stalinskaha teroru