Fakielnaje šeście i bajkiery. Jak adśviatkavali ŭ Hudahai
20-21 lipienia ŭ vioscy prajšła ŭračystaść u honar Maci Božaj Škaplernaj.
21.07.2024 / 20:48
Fakielnaje šeście ŭ čas festa. Fota: katolik.life
U dyjacezijalnym feście ŭ katalickim sanktuaryi ŭdzielničali ijerarchi — sioleta tut adznačali 260 hadoŭ z pačatku słužeńnia ŭ parafii karmielitaŭ bosych. Piša vydańnie katolik.life
Z roznych kutkoŭ Biełarusi ŭ Hudahaj prybyli pilihrymy — u tym liku bajkiery z Astraŭca. Jany atrymali dabrasłaŭleńnie i pamalilisia pierad abrazom Maci Božaj.
Bajkiery na feście. Fota: katolik.life
Pracesija śviatła na feście. Fota: katolik.life
Hałoŭnaj padziejaj pieršaha dnia staŭ Kryžovy šlach pa prastorach hudahajskaj Kalvaryi: raka viernikaŭ na čale ź biskupam Uładzimiram Hulajem išła praz kukuruznaje pole, praź les da stacyj Muki Pana.
Kala apaŭnočy adbyłasia vidoviščnaja pracesija śviatła z fakiełami i śviečkami, a zatym — śviataja Imša. Ranicaj taksama adpraŭlali Jeŭcharystyju, a zaviaršyłasia śviata ŭ niadzielu ŭračystaj adpustovaj Imšoj.
Vyniasieńnie fieratrona. Fota: katolik.life