Памочнік гендырэктара мазырскага НПЗ памёр на працы. Нядаўна яго абвінавачвалі ў распаўсюдзе экстрэмізму
18 ліпеня на працы памёр Валерый Бойша. Яму было 59 год. Пра раптоўную смерць на працы памочніка гендырэктара мазырскага НПЗ паведаміла «Гомельская вясна».
22.07.2024 / 08:13
Паводле праваабаронцаў, такія сумныя наступствы мела гісторыя прыцягнення да адміністрацыйнай адказнасці дваіх супрацоўнікаў Мазырскага НПЗ — памочніка гендырэктара Валерыя Бойшы і рэдактаркі завадской газеты Святланы Богуш.
Іх судзілі па ч. 2 арт. 19.11 (распаўсюджанне, вырабленне, захоўванне, перавозка інфармацыйнай прадукцыі, якая ўтрымлівае заклікі да экстрэмісцкай дзейнасці альбо прапагандуе такую дзейнасць) КаАП РБ.
У Мазыры за «распаўсюд экстрэмізму» пакаралі галоўную рэдактарку газеты НПЗ