Džej Ło pierastała nasić zaručalny piarścionak. Kaniec historyi kachańnia
Zdajecca, pryhožaja historyja kachańnia «Benifier» (Bena Afleka i Dženifier Łopies), jakija ŭźjadnalisia praz 17 hadoŭ, padychodzić da kanca i ŭ jaki raz paćviardžaje staradaŭniuju mudraść, što «dvojčy ŭ adnu i tuju ž raku ŭvajści niemahčyma».
22.07.2024 / 09:36
Fota: instahram Dženifier Łopies
Spačatku zachodnija ŚMI źviarnuli ŭvahu, što para praviała druhuju hadavinu viasiella asobna. Pa danych žurnalistaŭ, śpiavačka sustreła śviatočny dzień u Chemptansie, pakul Aflek pracavaŭ u Łos-Andželesie.
Tamu ŭ sietcy źjaviłasia infarmacyja, što muž i žonka pradajuć nabyty paśla viasiella dom, jaki jany tak doŭha šukali, a Ben naohuł pierajechaŭ u zdymnuju kvateru ŭ Brentvudzie.
A napiaredadni i sama Łopies publična namiaknuła, što, jak raniej, nie budzie. Śpiavačka na svajoj staroncy ŭ instahramie raźmiaściła sieryju fatahrafij, na jakich «vypadkova zaśviaciła» ruku biez zaručalnaha piarścionka.
Fota: instahram Dženifier Łopies
Para paznajomiłasia ŭ śniežni 2001 hoda na zdymkach ramantyčnaj kamiedyi «Džyli». Nieŭzabavie jany pačali sustrakacca, a ŭ listapadzie 2002-ha Ben Aflek zrabiŭ Džej Ło prapanovu ruki i serca. Adnak da ałtara jany tak i nie dajšli, admianiŭšy viasielle za niekalki dzion da pryznačanaj daty.
U 2021-m jany adnavili svaje stasunki, a ŭžo praź niekalki miesiacaŭ Ben znoŭ prapanavaŭ Dženifier stać jaho žonkaj. Uletku 2022 hoda stała viadoma, što jany tajemna pažanilisia, a zatym zhulali viasielle ŭ majontku akciora ŭ Džordžyi, piša Gordonua.com.
Dženifier Łopies i Ben Aflek vystavili na prodaž šykoŭny asabniak u Bievierli-Chiłz FOTY
Biełaruski dyzajnier šyje abutak u Ńju-Jorku, jaki nosić Madonna i Dženifier Łopes