Pryncu Džordžu spoŭniłasia 11 hadoŭ. Apublikavali jaho novaje FOTA
Brytanskaja karaleŭskaja siamja apublikavała novuju fatahrafiju prynca Džordža — druhoha ŭ čarzie na pasad tron svajho baćki, prynca Uelskaha Uiljama. Zdymak apublikavany z nahody 11-ha dnia naradžeńnia Džordža, piša Bi-bi-si.
22.07.2024 / 15:41
Fota: Kiensinhtonski pałac
Kiensinhtonski pałac (dzie žyvie siamja Uiljama) paviedamiŭ, što fatahrafiju Džordža zrabiła jaho maci — pryncesa Uelskaja Ketryn. Jana viadomaja jak fatohraf-amatar i časta publikuje zdymki členaŭ karaleŭskaj siamji, uklučajučy svaich dziaciej.
U hetym hodzie jana vyrašyła apublikavać čorna-bieły zdymak Džordža, na jakim jaje syn sfatahrafavany z branzaletam družby.
Z padobnym aksesuaram niadaŭna źjaviłasia na publicy siastra Džordža pryncesa Šarłota — heta było padčas Uimbłdonskaha tenisnaha turniru.
U červieni hetaha hoda Džordž razam z mamaj i inšymi členami karaleŭskaj siamji vyjšaŭ na bałkon Bukinhiemskaha pałaca ŭ honar dnia naradžeńnia karala Karła III.
Heta było pieršaje źjaŭleńnie Ketryn na publicy z tych časoŭ, jak u jaje vyjavili rak. Pryncesa praciahvaje lačeńnie, ale jaje stan palapšajecca.
Karłas Alkaras druhi raz vyjhraŭ Uimbłdon, jon znoŭ pieramoh Džokaviča
Kiejt Midłtan abviaściła, što joj stała lepš i jana zmoža prysutničać na paradzie ŭ honar karala
Brytanskamu pryncu Łui ŭpieršyniu dazvolili nadzieć štany