Завочна будуць судзіць Антона Матольку — яму закідаюць 13 артыкулаў, у тым ліку здраду дзяржаве
Следчы камітэт пачаў у адносінах да яго спецвытворчасць.
22.07.2024 / 18:50
Актывіста Антона Матолькі абвінавачваюць па некалькіх частках 13 артыкулаў Крымінальнага кодэкса. У прыватнасці, яму ставяць у віну:
- Змову з мэтай захопу або ўтрымання дзяржаўнай улады неканстытуцыйным шляхам;
- Арганізацыю масавых беспарадкаў;
- Арганізацыю групавых дзеянняў, якія груба парушаюць грамадскі парадак;
- Наўмысныя дзеянні, накіраваныя на ўзбуджэнне расавай, нацыянальнай, рэлігійнай альбо іншай сацыяльнай варожасці або варожасці па прыкмеце расавай, нацыянальнай, рэлігійнай, моўнай ці іншай сацыяльнай прыналежнасці, учыненыя групай асоб альбо якія пацягнулі па неасцярожнасці смерць чалавека альбо іншыя цяжкія наступствы;
- Заклікі да санкцый, учыненыя з выкарыстаннем сродкаў масавай інфармацыі або глабальнай камп'ютарнай сеткі Інтэрнэт;
- Гвалт альбо пагрозы гвалтам на адрас Лукашэнкі;
- Паклёп на адрас Лукашэнкі, здзейснены паўторна;
- Абразу Лукашэнкі, у тым ліку ўчыненую паўторна;
- Дыскрэдытацыю Рэспублікі Беларусь;
- Стварэнне экстрэмісцкага фармавання;
- Фінансаванне экстрэмісцкай дзейнасці;
- Садзейнічанне экстрэмісцкай дзейнасці;
- Здраду дзяржаве.
Судзіць Матольку будуць завочна, паколькі ён знаходзіцца не ў Беларусі.
Матолька пераехаў з Літвы ў Польшчу. І патлумачыў чаму
Чым сёння займаюцца некалі вядомыя героі ЖЖ? Спойлер: многія так і не закінулі блогерства
Скончылі расследаванне завочнай крымінальнай справы супраць сузаснавальніц «Імагуру»