Vienhryja i Słavakija paskardzilisia na Ukrainu ŭ Jeŭrasajuz
Kiraŭnik MZS Vienhryi Pieter Sijarta zajaviŭ padčas pres-kanfierencyi ŭ Bruseli, dzie sustrakalisia ministry zamiežnych spraŭ Jeŭrapiejskaha Sajuza, što jahonaja kraina padała skarhu ŭ ES na dziejańni Ukrainy.
22.07.2024 / 21:49
Ministr zamiežnych spraŭ Viehryi Pieter Sijarta. Fota: AP Photo/Petros Karadjias, File
Sijarta nahadaŭ, što i Vienhryja, i Słavakija atrymlivajuć syruju naftu praz Ukrainu, bo inšaha, alternatyŭnaha maršrutu dla ich niama. Adnak Ukraina ŭ adnabakovym paradku ŭviała sankcyi suprać rasijskaj kampanii «Łukojł», što pryviało da značnaha skaračeńnia pastavak nafty ŭ hetyja krainy pa naftapravodzie «Družba», jaki idzie pa terytoryi Ukrainy.
«Siońnia razam sa Słavakijaj my inicyjavali praceduru kansultacyj traciejskaha suda — bo heta nieadkładnaje pytańnie, pakolki enierhazabieśpiačeńnie źjaŭlajecca vostraj prablemaj. U ES jość 3 dni na praviadzieńnie pracedury kansultacyj», — zajaviŭ vienhierski ministr.
Pieter Sijarta ŭdakładniŭ, što ŭłady Vienhryi pracujuć nad roznymi rašeńniami, kab, kali im nie ŭdasca damovicca z Ukrainaj, pastaŭki syroj nafty nie spynialisia.
Pa słovach Pietera Sijarta, rašeńnie Kijeva było niedružalubnym krokam.
U svaju čarhu staršynia kamiteta enierhietyki ŭkrainskaha parłamienta Ina Saŭsun zajaviła, što Ukraina čakała bolš za dva hady, pakul Jeŭrapiejski Sajuz uviadzie realnyja sankcyi ŭ dačynieńni da rasijskaj nafty, i što absurdna dazvalać Rasii atrymlivać hrošy na viadzieńnie vajny za košt transpartavańnia nafty praz Ukrainu.
Kiraŭnica kamiteta Viarchoŭnaj Rady raskazała, što zabarona Kijeva na tranzit nafty rasijskaj kampanii «Łukojł» maje jašče adnu metu: złamać supraciŭ Vienhryi pastaŭkam zbroi va Ukrainu i ŭstupleńniu ŭ ES.
«My vyprabavali raznastajnyja dypłamatyčnyja rašeńni, ale jany nie spracavali. Padobna na toje, ciapier nam daviadziecca vykarystoŭvać inšy padychod u razmovie ź vienhrami», — zajaviła ŭkrainskaja deputatka.
Impart nafty ad «Łukojła» abjomam kala 2 młn ton u hod byŭ zabłakavany Kijevam praz rašeńnie ŭvieści sankcyi ŭ dačynieńni da rasijskaj kampanii. Hety abjom składaje tracinu ad ahulnaha abjomu impartu ŭ Vienhryju, jaki składaje 6 młn ton.
Słavakija i Vienhryja spyniajuć pampavać naftu praz trubapravod «Družba». Heta važna i dla Biełarusi
Śviatłana Cichanoŭskaja sustrełasia ź Viktaram Orbanam
Jeŭrapiejski parłamient asudziŭ «nibyta mirnyja namahańni» Viktara Orbana
Orban zaklikaŭ ES adnavić adnosiny z Rasijaj