Arhanizatary tradycyjnaha biełaruskaha fiestyvala ŭ Krakavie prosiać dapamohi
Arhanizatary vialikaha biełaruskaha fiestyvala-piknika Letucień źbirajucca pravieści jaho ŭ Krakavie ŭžo ŭ piaty raz. Ale pry hetym, jak pišuć arhanizatary na svajoj staroncy ŭ instahramie, jany sutyknulisia z materyjalnymi prablemami i prosiać dapamohi.
22.07.2024 / 23:04
«Na piacihodździe Piknika naša kamanda ŭziała vysokuju płanku. Letucień ciapier ledź nie samy vialiki biełaruski fiestyval, na jaki jeduć ź inšych haradoŭ i krain. My robim usio mahčymaje, kab pryvozić dla vas kłasnych artystaŭ i artystak, demanstravać, jakaja zachaplalnaja ŭ nas kultura, i ŭzmacniać našu dyjasparu», — pišuć arhanizatary mierapryjemstva.
Kamanda ŭ 40 arhanizataraŭ i 80 vałancioraŭ, jak śćviardžajecca, pracuje całkam biaspłatna i navat niaredka zakładaje ŭ fiestyval svaje asabistyja finansy. Ale ŭ hetym hodzie i hetaha niedastatkova.Tamu ciapier, za piać dzion da fiestyvalu, adziny šlach, praź jaki mahčyma znajści hrošy — danaty.
«Prahnozny košt LTCŃ u hetym hodzie — 85 tysiač złotych. Nam pakul nie chapaje kala 16 tysiač, kab zakryć usie vydatki. Apošnija tydni my šukali šlachi, jak pamienšyć vydatki, nie źmianiajučy prahramy i nie achviarujučy vašym kamfortam. Ale hetaha było niedastatkova», — adznačajuć arhanizatary.
Za danat na lubuju sumu jany abiacajuć hajd pa Krakavie, a za achviaravańni ŭ 100, 150 i 250 złotych padrychtavali padarunki: stykier-pak, cišotku dy ŭvachod na afterpaci.
Finansava dapamahčy fiestyvalu Letucień možna praz kraŭdfandynh pa spasyłcy.
Sioletni biełaruski fiestyval u Krakavie Letucień maje adbycca 27 lipienia z 11:00 pa 21:30 u parku Jordana (park Jordana). Uvachod volny.
U Dudutkach prachodzić mižnarodny fiestyval «Naš Hrunvald» ŠMAT FOTA
U Połacku admianili fiestyval anime i K-pop, bo jon «prapahanduje niapravilnyja kaštoŭnaści»
Pa Viciebsku prakaciŭsia brazilski karnavał. Voś jak heta vyhladała ŠMAT FOTA