Druhi błok BiełAES pačnuć ramantavać 26 lipienia
BiełAES 26 lipienia pačnie płanava-papieradžalny ramont druhoha enierhabłoka. Heta budzie pieršaje mierapryjemstva takoha typu paśla pusku błoka, paviedamlaje Minenierha.
23.07.2024 / 10:34
Fota: Minenierha
Paviedamlajecca, što štohod płanavyja ramontnyja raboty prachodziać na kožnym enierhabłoku AES dla paćviardžeńnia nadziejnaści abstalavańnia i technałahičnych sistem. «Dla hetaha śpiecyjalisty praviaduć ich detalovuju dyjahnostyku, u tym liku vykanajuć pašyrany kantrol mietału i zvarnych złučeńniaŭ abstalavańnia reaktarnaha i turbinnaha adździaleńniaŭ. Hetyja mierapryjemstvy buduć ažyćciaŭlacca ŭ ramkach zaćvierdžanych hrafikaŭ», — havorycca ŭ paviedamleńni Minenierha?
Druhi enierhabłok BiełAES uviedzieny ŭ pramysłovuju ekspłuatacyju 1 listapada 2023 hoda — sumarna jon vypracavaŭ 9,2 młrd kVt⋅h elektraenierhii. U cełym z momantu ŭklučeńnia ŭ abjadnanuju enierhasistemu pieršaha enierhabłoka (3 listapada 2020 hoda) Biełaruskaj atamnaj stancyjaj vyrablena 33,1 młrd kVt⋅h elektraenierhii.