З чацвярга на стадыёне «Дынама» зноў пачнуць паказваць кіно пад адкрытым небам
Расклад кінапаказаў ужо з'явіліся ў агульным доступе.
23.07.2024 / 11:07
Прагляд матчаў Еўра-2024 на стадыёне «Дынама». Фота: betnews.by
У чацвер, 25 ліпеня, гледачы змогуць убачыць: «Місія невыканальная: Смяротная зброя», а 27 ліпеня — фільм «Барбі». 1 жніўня пакажуць мультфільм «Тролі 3», піша Blizko.by.
Паказы будуць праходзіць на запасным полі. Удзельнікі змогуць арандаваць крэслы-мяшкі за дадатковую плату і пакаштаваць смачную ежу.
Рэкамендуецца надзець зручную і цёплую вопратку, узяць пледы і сродак ад камароў.
Дзеці да 6 гадоў у суправаджэнні дарослых могуць трапіць на прагляд бясплатна, а на фільмы з узроставым рэйтынгам 16+ і вышэй не дапускаюцца людзі, якія не дасягнулі адпаведнага ўзросту.
Пачатак кінапаказаў а 20:00, але стадыён будзе адкрыты з 19:00.
Амаль восем тысяч чалавек глядзелі фінал Еўра-2024 унутры стадыёна «Дынама» ў Мінску ФОТА