Польшча і Беларусь вядуць перамовы аб вызваленні Пачобута. Як не будзе выніку — закрыюць межы — Radio ZET
Radio ZET спасылаючыся на свае крыніцы ў Міністэрстве замежных спраў, піша пра «жорсткія перамовы Польшчы з Беларуссю», на кану — поўнае закрыццё памежных пераходаў.
23.07.2024 / 11:48
Польскія ўлады вядуць перамовы з Беларуссю аб вызваленні Анджэя Пачобута, — неафіцыйна заявіў Радыё ZET неназваны чыноўнік польскага МЗС.
Паводле яго, адным з аргументаў у адносінах з Мінскам, які можа выкарыстоўваць польскі бок, зʼяўляецца пытанне аб поўным закрыцці пагранічных пераходаў з Беларуссю.
Сігналы з Беларусі аб тым, што яна гатовая гаварыць пра крызіс на мяжы і адмяніла візы для 35 еўрапейскіх краін, высокапастаўлены чыноўнік замежных спраў назваў «фікцыяй».
«Мы ім не верым. Калі нічога не зменіцца, мы цалкам закрыем памежныя пераходы з Беларуссю. І гэта таксама ўдарыць па таварах, імпартаваных з Кітая. Гэтае пытанне павінна было абмяркоўвацца, у прыватнасці, падчас чэрвеньскага візіту прэзідэнта Анджэя Дуды ў Кітай», — дадаў ён.
Учора намеснік кіраўніка МЗС Польшчы Анджэй Шэйна назваў тры ўмовы нармалізацыі адносін з Мінскам — канец гібрыдных нападаў, выдача забойцы польскага жаўнера, вызваленне асуджаных палякаў ды іншых палітвязняў.
Польскі турыст прыехаў у Беларусь і расхваліў яе на ўсе лады. Ён аказаўся неанацыстам
Віцэ-спікер Сената Польшчы назваў абмежаванні на ўезд у Еўрасаюз для беларусаў амаральнымі
Намеснік кіраўніка МЗС Польшчы назваў тры ўмовы нармалізацыі адносін з Мінскам