Jakija kvatery i pa jakich cenach ciapier pradajuć u Novaj Baravoj?
Pahladzieli, što ź nieruchomaściu ŭ hetym modnym rajonie kala stalicy.
29.07.2024 / 08:00
Fota tut i dalej: realt.by
Budaŭnictva žyłoha kompleksu, jaki atrymaŭ nazvu Novaja Baravaja, pačałosia ŭ 2014 hodzie. Jarkija panelki, prastornyja dziciačyja placoŭki i sučasnyja dvary ŭpadabała moładź z dobrymi dachodami. I choć heta pryharad Minska (vioska Kopišča), ceny byli vyšejšyja za siarednija pa stalicy. Ale kvatery ŭ modnym rajonie raźmiatalisia chutka.
Što tut pradajuć ciapier?
Samaja tannaja kvatera z vystaŭlenych na prodaž u Novaj Baravoj aceniena ŭ 59 500 dalaraŭ. Stolki prosiać za kvateru-studyju ahulnaj płoščaj 25,3 m².
Znachodzicca jana na 5 paviersie vaśmipaviarchovaha doma 2022 hoda pabudovy. U pamiaškańni zrobleny śviežy ramont, kvatera hatovaja dla pražyvańnia.
Hod tamu anałahičnuju kvateru płoščaj 25,3 m² pradavali za 54 tysiačy.
Za studyju płoščaj 32,5 m² prosiać užo $69 900. Znachodzicca jana ŭ nizkapaviarchovym domie pavyšanaj kamfortnaści. Zrobleny sučasny ramont, kvatera całkam meblavanaja i z technikaj.
Inšyja studyi ŭ Novaj Baravoj kaštujuć daražej za $70 tysiač.
Ceny na jeŭradvuški pačynajucca z $78 tysiač, ale heta budzie kvatera z hołymi ścienami. Ceny na dvuchpakajoŭki, hatovyja da pražyvańnia, pačynajucca z $95 tysiač.
U takuju sumu aceniena, naprykład, dvuchpakajovaja kvatera ŭ Novaj Baravoj płoščaj 41 m².
Kvatera taksama pradajecca całkam hatovaja dla zasialeńnia. Hod pabudovy doma — 2021. U abjavie paznačana, što prapanova ab prodažy aktualna tolki ciaham miesiaca.
U cenavym dyjapazonie da $100 tysiač u Novaj Baravoj pradajecca ŭsiaho 5 jeŭradvušak.
Za standartnuju dvuchpakajoŭku ahulnaj płoščaj 63,3 m² z dvuma asobnymi pakojami prosiać $104 900. Mieścicca jana na pieršym paviersie 11-paviarchovaha doma 2017 hoda pabudovy.
Samaja tannaja trochpakajoŭka ŭ Kopiščy pradajecca za $114 900. Ale heta nie zusim toje žytło, jakoje ŭjaŭlaješ sabie, kali havorka idzie pra Novuju Baravuju. Kvatera znachodzicca ŭ šarahovaj 9-paviarchovaj panelcy 2010 hoda pabudovy.
Tym nie mienš, płošča nie małaja — 86 m².
Hatovyja da pražyvańnia jeŭratroški ŭ samoj Novaj Baravoj pradajucca pa cenach ad $124 900. Stolki prosiać za trochpakajovuju kvateru ahulnaj płoščaj 57,3 m².
Dva žyłyja pakoi majuć płošču ad 12,6 da 13,2 kvadrataŭ. Kuchnia-haścioŭnia — 16 mietraŭ.
Mieścicca hetaja kvatera na 4 paviersie 6-paviarchovaha doma 2020 hoda pabudovy. Jak paznačana ŭ apisańni, žytło pradajecca častkova abstalavanaje meblaj i technikaj.
Ceny na paŭnavartasnyja trochpakajovyja kvatery ŭ Novaj Baravoj startujuć sa $137-138 tysiač.
Stolki prosiać za trochpakajoŭki ahulnaj płoščaj pad 75 kvadrataŭ. Hady pabudovy damoŭ, u jakich jany znachodziacca, — 2017-2018.
Za dvuchuzroŭnievy trochpakajovy pientchaŭz ahulnaj płoščaj 90,7 m² prosiać $145 tysiač. Ale heta pamiaškańnie z hołymi ścienami.
Ceny na čatyrochpakajovyja kvatery z ramontam u Novaj Baravoj pačynajucca sa $185 tysiač. Stolki prosiać za kvateru ahulnaj płoščaj 83 m². Mieścicca jana na 14 paviersie 20-paviarchovaha doma 2021 hoda pabudovy.
Niahledziačy na niemały košt, pamier žyłych pakojaŭ u hetaj kvatery vielmi ścipły — ad 10 da 12 kvadrataŭ. Kuchnia-haścioŭnia kudy bolš prastornaja — 20 m². Zatoje jość adrazu dva sanvuzły.
Na hety momant u Novaj Baravoj pradajecca ŭsiaho try čatyrochpakajoŭki koštam da $200 tysiač.
Samaja darahaja kvatera z vystaŭlenych na prodaž u hetym rajonie — dvuchuzroŭnievaja čatyrochpakajoŭka ahulnaj płoščaj 102,2 m².
Prosiać za jaje $299 900. «Kvatera ŭ małapaviarchovym domie z sučasnym dyzajnierskim ramontam, całkam meblavanaja i abstalavanaja technikaj, vam zastaniecca tolki zavieźci asabistyja rečy», — havorycca ŭ apisańni.
A što ŭ novabudoŭlach?
Ceny na novyja kvatery ad zabudoŭščyka pačynajucca z $55 340 dalaraŭ za kvateru-studyju płoščaj 35 m².
Jeŭradvuški z ahulnaj płoščaj 39 m² kaštujuć ad $58 260.
Trochpakajovyja kvatery ŭ novabudoŭlach pradajuć pa cenach ad $75 250 za 50 «kvadrataŭ». A čatyrochpakajovyja — ad $103 tysiač za 76 m².
Siaredni košt kvadrata ŭ Minsku pa vynikach druhoha kvartała 2024 hoda taki:
- 1-pakajovyja kvatery — 1600 dalaraŭ za kvadrat;
- 2-pakajovyja — 1440 dalaraŭ;
- 3-pakajovyja — 1340 dalaraŭ.