У Чэрыкаве мужчына выкруціў балты з колаў сямейнага аўтамабіля, каб ім не карысталася жонка
Чэрыкаўскім раённым аддзелам Следчага камітэта расследуецца крымінальная справа аб наўмысным прывядзенні ў непрыгоднасць сямейнага аўтамабіля, піша БелТА.
23.07.2024 / 13:33
27-гадовая жанчына паскардзілася ў міліцыю, што ў яе легкавым аўтамабілі Volkswagen невядомы адвінціў балты на двух колах.
Жанчына западозрыла нядобрае падчас руху, калі пачула нехарактэрны гук. Спыніўшыся, яна агледзела аўтамабіль і заўважыла, што на адным коле не хапае аднаго балта. Даехаўшы да дома, яна знайшла адсутнасць яшчэ некалькіх балтоў на коле.
Высветлілася, што на такі нечаканы крок пайшоў яе муж, з якім на той момант яны знаходзіліся ў стадыі разводу. Мужчыну прынцыпова не падабалася, што яго жонка ездзіць на сямейным аўто. Муж і жонка разам набылі машыну, але правы былі толькі ў жанчыны. Нягледзячы на адсутнасць пасведчання, мужчына ўсё роўна садзіўся за руль, за што неаднаразова прыцягваўся да адказнасці, у тым ліку крымінальнай.
У дачыненні да 31-гадовага мужчыны распачата крымінальная справа па ч.1 арт.309 (наўмыснае прывядзенне ў непрыдатнасць транспартнага сродку, якое магло прывесці да смерці чалавека або іншых цяжкіх наступстваў)
Фігурант не так даўно быў судзімы за пагрозу забойствам цяпер ужо былой жонцы.