U Čerykavie mužčyna vykruciŭ bałty z kołaŭ siamiejnaha aŭtamabila, kab im nie karystałasia žonka
Čerykaŭskim rajonnym adździełam Śledčaha kamiteta rasśledujecca kryminalnaja sprava ab naŭmysnym pryviadzieńni ŭ niepryhodnaść siamiejnaha aŭtamabila, piša BiełTA.
23.07.2024 / 13:33
27-hadovaja žančyna paskardziłasia ŭ milicyju, što ŭ jaje lehkavym aŭtamabili Volkswagen nieviadomy advinciŭ bałty na dvuch kołach.
Žančyna zapadozryła niadobraje padčas ruchu, kali pačuła niecharakterny huk. Spyniŭšysia, jana ahledzieła aŭtamabil i zaŭvažyła, što na adnym kole nie chapaje adnaho bałta. Dajechaŭšy da doma, jana znajšła adsutnaść jašče niekalkich bałtoŭ na kole.
Vyśvietliłasia, što na taki niečakany krok pajšoŭ jaje muž, ź jakim na toj momant jany znachodzilisia ŭ stadyi razvodu. Mužčynu pryncypova nie padabałasia, što jaho žonka jeździć na siamiejnym aŭto. Muž i žonka razam nabyli mašynu, ale pravy byli tolki ŭ žančyny. Niahledziačy na adsutnaść paśviedčańnia, mužčyna ŭsio roŭna sadziŭsia za rul, za što nieadnarazova pryciahvaŭsia da adkaznaści, u tym liku kryminalnaj.
U dačynieńni da 31-hadovaha mužčyny raspačata kryminalnaja sprava pa č.1 art.309 (naŭmysnaje pryviadzieńnie ŭ nieprydatnaść transpartnaha srodku, jakoje mahło pryvieści da śmierci čałavieka abo inšych ciažkich nastupstvaŭ)
Fihurant nie tak daŭno byŭ sudzimy za pahrozu zabojstvam ciapier užo byłoj žoncy.