Ciapier u Biełarusi, kab zrabić EKA, patrebna daviedka ad psichijatra. Źjavilisia i inšyja abmiežavańni
Minzdaroŭja ŭniesła źmieny ŭ zakon «Ab pytańniach prymianieńnia dapamožnych repraduktyŭnych technałohij». Što treba viedać siemjam, jakija płanujuć EKA?
23.07.2024 / 15:18
Fota: UniversalImagesGroup / Getty Images
Mahčymaściaŭ skarystacca repraduktyŭnymi technałohijami pazbavili niekalki katehoryj žančyn.
Ciapier siarod supraćpakazańniaŭ da praviadzieńnia štučnaha apładnieńnia źjaviłasia atłuścieńnie druhoj stupieni i bolš, a taksama najaŭnaść transpłantavanych orhanaŭ i tkanak.
Raniej zrabić EKA mahli siemji, u jakich adzin z partnioraŭ byŭ VIČ-infikavanym (pry nievyznačalnaj virusnaj nahruzcy). Ale paśla źmien u zakonie takuju mahčymaść pakinuli tolki dla tych par, dzie VIČ-infikavanym źjaŭlajecca muž (kali žonka — EKA bolš nie zrobiać).
Jašče adno novaŭviadzieńnie — abaviazkovaja dla žančyn i mužčyn kansultacyja ŭ psichijatra-narkołaha.
Kali i kamu varta zamarozić pałavyja kletki i embryjony dla EKA — tłumačyć repraduktołah
Sabrali ŭsio, što treba viedać pra donarstva śpiermatazoidaŭ i jajcakletak