Hiejmier viarnuŭsia na forum praz 11 hadoŭ bana — i tak ašałamiŭ farumčan, što jany zachacieli jaho znoŭ zabłočyć
Mužčyna viarnuŭsia na forum praz 11 hadoŭ bana i praciahnuŭ mienavita toje abmierkavańnie, z-za jakoha hety ban atrymaŭ.
23.07.2024 / 15:08
Karystalnik forumaŭ Something Awful pad nikam Etherwind viarnuŭsia ŭ kamientary paśla 11-hadovaha bana, kab praciahnuć sprečku ab nastołcy, z-za jakoj jaho zabłakavali. Historyju nievierahodnaj nastojlivaści zaŭvažyŭ devby.io.
Etherwind byŭ vyhnany 14 lutaha 2013 hoda na 100 tysiač hadzin (heta bolš za 11 hadoŭ). Tak jaho pakarali za toje, što padčas dyskusii ab nastolnaj hulni World of Darkness jon raskrytykavaŭ jaje ŭchił u palityku i pažadaŭ śmierci aŭtaru.
Mahčymaść rabić pasty hiejmieru viarnuli ŭ hetym miesiacy, i jon paśpiašaŭsia joju skarystacca 14 čysła, roŭna praz 100 018 hadzin paśla pačatku adliku terminu.
Etherwind adnaviŭ pierapynieny dyjałoh, napisaŭšy novy kamientar i pracytavaŭšy svajo paviedamleńnie z haliny, u jakoj atrymaŭ ban.
Jon rastłumačyŭ, što znosiny ŭ supolnaści Something Awful byli važnaj častkaj jaho žyćcia, a taksama što za minułyja hady jon mocna pastaleŭ i škaduje ab svaich złych kamientarach.
Farumčanie, jakija zarehistravalisia ŭžo paśla taho, jak Etherwind atrymaŭ prysud, byli ŭražanyja jaho zaciataściu i tym, što jon da hetaha času pamiataje pra sprečku.
Adny vykazali zdahadku, što jon śpiecyjalna pastaviŭ sabie nahadvańnie ŭ kalendary, a inšyja prapanavali adminam zabłakavać jaho jašče na 11 hadoŭ, prosta kab pravieryć, nakolki jon upiorty.
Zorka tyktoku Liza Vietrava zakryvaje svoj papularny błoh pra biełaruskuju movu
Jak transhiendar abvaliŭ prodažy samaha papularnaha amierykanskaha piva
Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?