Chto toj chłopiec, jaki padarvaŭ rasijskaha aficera ŭ Maskvie i byŭ aryštavany ŭ Turcyi
Fota Jaŭhiena Sierabrakova — mierkavanaha vykanaŭcy padryvu aŭto u Maskvie, pakazała tureckaja palicyja. Chłopca zatrymali paśla taho, jak jon prybyŭ u Turcyju samalotamam Maskva-Bodrum.
25.07.2024 / 07:28
Jaŭhien Sierabrakoŭ. Fota ź jahonaj staronki Ukantakcie
Jaŭhienu Sierabrakovu 29 hadoŭ. Rodam jon ź nievialikaha horada Urupinsk u Vałhahradskaj vobłaści Rasii.
Spačatku jon vučyŭsia ŭ himnazii, a paśla ŭ licei, jaki skončyŭ u 2012-m. Z 2012-ha pa 2016-y advučyŭsia na ekanamista ŭ sumiesnym bakałaŭryjacie Vyšejšaj škoły ekanomiki i Rasijskaj ekanamičnaj škoły — heta prestyžnaj prahrama, na jakuju ciapier u hod abirajuć 75 čałaviek z usioj Rasii.
Apošniaje viadomaje miesca pracy chłopca pa sacsietkach — heta viadučy ekanamist adździeła finansavych ryzykaŭ rasijskaha Promsuviaźbanka. Apošnim časam žyŭ u Maskvie.
Jaŭhien Sierabrakoŭ. Fota ź jahonaj staronki Ukantakcie
Viadoma, što chłopiec prytrymlivajecca praŭkrainskich i antypucinskich pohladaŭ. Jon vučyŭ ukrainskuju movu i ŭ bolšaści telehram-čataŭ pisaŭ pa-ŭkrainsku dy byŭ padpisany pa-ŭkrainsku ŭ sacsietkach. Z-kanały śćviardžajuć, što jon byŭ prychilnikam Alaksieja Navalnaha i ŭdzielničaŭ u mitynhach u jaho padtrymku.
Prynamsi, raniej Sierabrakoŭ niabłaha zarablaŭ. Susiedzi raskazali telehram-kanału Shot, što jon «byŭ cichi, intelihientny, ani ŭ jakich skandalnych historyjach nie zaŭvažany».
Nahadajem, 24-ha lipienia ŭ vyniku padryvu aŭtamabila paciarpieŭ rasijski vajskoviec Andrej Tarhašoŭ, jamu adarvała častki noh. Jon ciozka namieśnika načalnika vajskovaj čaści Rakietnych vojskaŭ śpiecyjalnaha pryznačeńnia ŭ Padmaskoŭi.
«Kommiersant» śćviardžaje, što Tarhašoŭ słužyć u HRU, dzie adkazvaje za srodki suviazi.
U Turcyi zatrymali rasijanina, padazravanaha ŭ padryvie aŭtamabila aficera HRU ŭ Maskvie
Padazravany ŭ padryvie aŭtamabila z rasijskim HRUšnikam paśpieŭ vylecieć z Maskvy ŭ Turcyju
Mašynu namieśnika načalnika vajskovaj čaści ŭzarvali ŭ Maskvie. Vajskoŭcu adarvała stupni