Vyjšła kniha paezii Uładzimira Karatkieviča
Zbornik, jaki pabačyŭ śviet u Vydavieckim domie «Źviazda», — kniha vieršaŭ «Baćkaŭščyna śvietłaja maja». Układalnik — Viktar Šnip. Bolej 100 vieršaŭ sabrana pad adnoj vokładkaj.
25.07.2024 / 12:04
Adkryvaje knihu vierš «Orša», jaki byŭ upieršyniu nadrukavany ŭ sakavickim numary časopisa «Połymia» za 1956 hod.
Pieršaja knižnaja publikacyja «Oršy» — u zborniku Uładzimira Karatkieviča «Matčyna duša», vydadzienym u 1958 hodzie, piša Źviazda.
Jana nie bliščyć krasoju,
A ŭ serca naviek zapała,
Z parkam svaim zmarniełym,
Z svajoj Kabylanskaj haroj,
Ź lanivaj siastroj Aršycaj,
Što letam bruicca pamału
Ŭ šyroki, jak pieśnia naša,Jo
Mahutny, sivy Dniapro.
<…> Tut naradzilisia dumki,
Vola, imknieńni, žadańni,
Tut staŭ ja synam krainy,
Abpalen jaje ahniom…
Tamu i lublu ja Oršu
Pieršym vialikim kachańniem,
Jakoje nie źniknie, peŭna,
Navat z maim žyćciom.
Tyraž paetyčnaj «źviazdoŭskaj» knihi Uładzimira Karatkieviča — 1000 ekzemplaraŭ. Raniej u Vydavieckim domie «Źviazda» pabačyli śviet układzienyja Viktaram Šnipam paetyčnyja zborniki narodnaha paeta Biełarusi Ryhora Baradulina, Hienadzia Buraŭkina, kalektyŭnyja knihi paezii mastakoŭ słova, čyj los źviazany z Hrodzienščynaj («Spradviečny bierah»), Bieraściejščynaj («Čystaja muzyka nieba», «Adčynienaja chacina»), Homielščynaj («Žaŭruki nad Paleśsiem»), Viciebščynaj («Ziamli niazhasnaje śviatło») i inšyja vydańni.
Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ