Piaskoŭ zajaviŭ, što Rasija adkrytaja dla pieramovaŭ
Ale treba zrazumieć, nakolki hatovaja da ich Ukraina, dadaŭ pres-sakratar prezidenta RF.
25.07.2024 / 12:57
Fota: Alexei Danichev, Sputnik, Kremlin Pool Photo via AP
Rasija adkrytaja dla pieramovaŭ, ale treba zrazumieć, nakolki hatovaja da ich Ukraina, ci maje jana dazvoł na heta ad svaich kurataraŭ. Pra heta zajaviŭ u hutarcy z žurnalistami pres-sakratar prezidenta RF Dźmitryj Piaskoŭ, piša TASS.
«Rasija ŭ cełym adkrytaja dla pieramoŭnaha pracesu, ale spačatku treba zrazumieć, nakolki hatovy da hetaha ŭkrainski bok, i nakolki jon maje dazvoł na heta ad svaich kurataraŭ. Pakul, vy bačycie, vielmi roznyja zajavy hučać, pakul nie zusim zrazumieła», — skazaŭ jon.
Razam z tym jon śćviardžaje, što Ukraina nie choča pieramovaŭ.
«Akramia ahulnaj prablemy ź lehitymnaściu [Uładzimira] Zialenskaha, jość jašče prablema z faktyčna zakanadaŭčaj zabaronaj na jakija-niebudź kantakty i pieramovy z rasijskim bokam, hetyja zabarony dziejničajuć. Tamu, tut jašče šmat usiaho treba budzie rastłumačyć i pačuć nam z vami niejkija tłumačeńni», — skazaŭ jon, adkazvajučy na pytańnie, ci mahčymyja pieramovy z Ukrainaj, pakul Zialenski zastajecca va ŭładzie.