U Mahilovie pastavili pomnik pravobrazu kalkulatara FOTAFAKT
Art-abjekt źjaviŭsia ŭ honar 100-hodździa handlovych orhanaŭ Biełarusi.
25.07.2024 / 14:06
Fota: Mahiloŭ-anłajn
Pomnik ličylnikam pastavili ŭ mahiloŭskim parku Padnikolle. Art-abjekt uklučaje elemienty interaktyvu — moładź, jakaja ŭpieršyniu bačyć taki instrumient dla padliku, moža pakratać jaho rukami. A starejšaje pakaleńnie — uspomnić maładość.
Fota: Mahiloŭ-anłajn
«Znak «Ličylniki Hiermiesa — całkam realistyčny. Kostki ruchajucca, praŭda, ličyć na takim «kalkulatary» zmohuć daloka nie ŭsie. Dobra, kali moładź naohuł viedaje pra isnavańnie takoha pradmieta, bieź jakoha ŭ minułym nie abychodziŭsia ni adzin pradaviec», — piša «Mahiloŭ anłajn».
Pomnik ličylnikam ustalavali ŭ honar 100-hodździa handlovych orhanaŭ Biełarusi. MARH abraŭ hetuju datu, pakolki 25 lipienia 1924 hoda byŭ stvorany Narkamat unutranaha handlu.