Zatrymali padazravanaha ŭ zabojstvie Iryny Faryjon
Zatrymany 18-hadovy chłopiec.
25.07.2024 / 15:10
Fota: th-kanał Zialenskaha
«Ministr unutranych spraŭ Ukrainy Ihar Klimienka tolki što paviedamiŭ mnie pra zatrymańnie ŭ Dniapry padazravanaha ŭ zabojstvie Iryny Faryjon», — napisaŭ u svaim telehramie Uładzimir Zialenski.
Paviedamlajecca, što apieracyja pa zatrymańni była vielmi składanaj. Nad raskryćciom zabojstva pracavali sotni śpiecyjalistaŭ Nacyjanalnaj palicyi Ukrainy, SBU i inšych słužbaŭ.
Palicyja raspaŭsiudžvała taki fotarobat
Zatrymany — 18-hadovy chłopiec. Praciahvajucca nieabchodnyja śledčyja dziejańni i ekśpiertyzy. Zialenski daručyŭ ministru ŭnutranych spraŭ davieści ŭsie padrabiaznaści da hramadskaści.
U byłuju deputatku Viarchoŭnaj Rady ad partyi «Svaboda» Irynu Faryjon stralali ŭviečary 19 lipienia ŭ Lvovie. Padčas zamachu jana atrymała ciažkoje ranieńnie, paśla jakoha była dastaŭlena ŭ balnicu, dzie i pamierła praz try hadziny.
U Lvovie stralali ŭ palityka Irynu Faryjon. Jana ŭ krytyčnym stanie
Iryna Faryjon pamierła ŭ balnicy
Palicyja Ukrainy pakazała fota mierkavanaha zabojcy Iryny Faryjon