U Homielskim rajonie ŭ žachlivaj aŭtaavaryi paciarpieli 5 čałaviek
25 lipienia prykładna ŭ 12:30 na darozie «Padjezd da horada Homiela ad aŭtadarohi M-8» 71-hadovy kiroŭca za rulom aŭtamabila «Džyli» vyjechaŭ na sustrečnuju pałasu sutyknuŭsia z aŭtamabilem «Ford», paviedamlaje UUS Homielskaha abłvykankama.
25.07.2024 / 17:39
U vyniku DTZ u balnicu dastavili 5 čałaviek: dvuch kiroŭcaŭ i troch pasažyraŭ aŭtamabila «Ford», siarod jakich — dzieci 7-mi i 8-mi hadoŭ.
Adznačajecca, što dzieci pieravozilisia bieź dziciačych aŭtakresłaŭ.
«Džyli» zhniły. Razarvała. Pierakuliŭsia tolki «Ford». Za rulom «Džyli» byŭ znajomy, išoŭ z boku Homiela. Kaža, rezka paciahnuła na sustrečku. Skardziŭsia na bol u hrudziach. U «Fordzie» maładaja žančyna, dvoje dziaŭčynak hadoŭ pa 7-9, pažyłaja žančyna. Dziaŭčyna-kiroŭca z drapinami. Ja išoŭ z Homiela, u lusterka ŭbačyŭ zamies, raźviarnuŭsia, pajšoŭ dapamahać», — apisaŭ u aŭtačacie situacyju jaje vidavočca Uładzimir.
Razarvany aŭtamabil — heta, vierahodna, Geely MK I, jaki vyrablaŭsia ŭ 2006-2014 hadach.
Žudasnaje DTZ u Krupskim rajonie: žančynu spačatku pierajechaŭ hruzavik, a zatym lehkavik
U DTZ u Minskim rajonie paciarpieli piaciora dziaciej — vosiem čałaviek nabilisia ŭ lehkavuju Audi
U Kamianieckim rajonie adbyłosia łabavoje sutyknieńnie dźviuch mašyn