Padazravanaha ŭ padryvie mašyny aficera ŭ Maskvie dastavili z Turcyi ŭ Rasiju
Chto znachodziŭsia ŭ mašynie, niezrazumieła da hetaha času.
26.07.2024 / 09:09
Jaŭhien Sierabrakoŭ, jakoha zatrymali ŭ tureckim Bodrumie pa padazreńni ŭ padryvie mašyny na poŭnačy Maskvy ranicaj 24 lipienia, dastaŭleny ŭ Rasiju, piša Bi-bi-si.
Fota: Astra
Sierabrakova zatrymali ŭ Bodrumie pa prylocie z Maskvy ŭ toj ža dzień, kali adbyŭsia vybuch na Siniavinskaj vulicy. Pa śćviardžeńni FSB, zatrymańnie było praviedziena sumiesna z MUS i pry sadziejničańni tureckich śpiecsłužbaŭ.
Na videa, jakoje raspaŭsiudziła FSB, Sierabrakoŭ kaža, što zakłaŭ pad aŭtamabil u Maskvie bombu, jakuju jon nibyta źbiraŭ pad kantrolem kuratara z SBU. Taksama zatrymany śćviardžaje, što kuratar prapanoŭvaŭ jamu za padryŭ ad 10 da 20 tysiač dołaraŭ.
«My ź im razmaŭlali, była adna sustreča ŭ Stambule. Paśla hetaha ja zabraŭ kampanienty dla zboru samarobnaj vybuchnoj pryłady, i ja prapanavaŭ likvidavać aficera», — kaža mužčyna na videazapisie FSB.
Vybuch na Siniavinskaj, u vyniku jakoha paciarpieli dva čałavieki, adbyŭsia ranicaj 24 lipienia. Chto znachodziŭsia ŭ mašynie, niezrazumieła da hetaha času.
Spačatku ŚMI paviedamlali, što aŭtamabil naležyć namnačalniku radyjocentra spadarožnikavaj suviazi Andreju Tarhašovu, ale zatym stali śćviardžać, što była padarvanaja mašyna jaho poŭnaha ciozki, jaki taksama źjaŭlajecca vajskoŭcam.
«Interfaks» piša, što ŭładalnik aŭtamabila — «pałkoŭnik Uzbrojenych sił RF». Raniej krynica ahienctva kazała, što heta nie prosta pałkoŭnik, a «kiraŭnik adnaho z padraździaleńniaŭ Hienštaba».
Mašynu namieśnika načalnika vajskovaj čaści ŭzarvali ŭ Maskvie. Vajskoŭcu adarvała stupni
Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy
Padazravany ŭ padryvie aŭtamabila z rasijskim HRUšnikam paśpieŭ vylecieć z Maskvy ŭ Turcyju
U Turcyi zatrymali rasijanina, padazravanaha ŭ padryvie aŭtamabila aficera HRU ŭ Maskvie