U Minsku pačali sudzić piać čałaviek pa hučnaj spravie za «padrychtoŭku teraktu ŭ Dzień pieramohi»
U vinu im staviacca adrazu šeść artykułaŭ, siarod jakich takija ciažkija jak «zdrada dziaržavie» (č. 1 art. 356 KK) i «akt teraryzmu»
26.07.2024 / 11:35
U Minskim haradskim sudzie 26 lipienia raspačaŭsia sud pa hučnaj spravie za «padrychtoŭku teraktu ŭ Dzień pieramohi pad kuratarstvam Kijeva», piša «Viasna».
Padrabiaznaści spravy ahučvalisia ŭ prapahandyskim filmie ANT «Zabojnaja pasyłka śmierci: chto i jak chacieŭ ździejśnić terakt u Dzień Pieramohi».
Pa spravie prachodziać adrazu piać čałaviek: 24-hadovy Valer Vodzin, Andrej Hryhorjeŭ, 30-hadovaja Viktoryja Vołčak, 25-hadovaja Hanna Savačkina i jaje maci Taćciana Rusak.
U vinu im staviacca adrazu šeść artykułaŭ, siarod jakich takija ciažkija jak «zdrada dziaržavie» (č. 1 art. 356 KK) i «akt teraryzmu» (č. 2 art. 289 KK).
Praces u zakrytym režymie budzie vieści Siarhiej Chrypač, viadomymi svaimi žorstkimi prysudami pa palityčnych spravach.
Što charakterna, u filmie taksama pakazali siabra Savačkinaj — Jaŭhiena Bahdanienku, ale jaho pa hetaj spravie sudzić nie buduć. Los jaho pravaabaroncam nieviadomy.