Jeŭrasajuz pryznaŭ praźmiernym deficyt biudžetu ŭ vaśmi svaich členaŭ
Rada Jeŭrapiejskaha Sajuza 26 lipienia pačała praceduru praźmiernaha deficytu ŭ dačynieńni da siami krain błoka (Bielhija, Vienhryja, Italija, Malta, Polšča, Słavakija, Francyja) i praciahnuła jaje ŭ dačynieńni da Rumynii. Pra heta paviedamlajecca na sajcie Rady ES.
26.07.2024 / 16:22
Damova ab Jeŭrapiejskim Sajuzie praduhledžvaje, što dziaržavy-členy pavinny vykonvać biudžetnuju dyscyplinu i nie dapuskać pieravyšeńnia deficytu bolš za 3% VUP, a dziaržaŭnaha doŭhu — bolš za 60% VUP.
Kali ŭdzielnik błoka pieravyšaje pakazčyk deficytu, u dačynieńni da jaho zapuskajecca śpiecyjalnaja pracedura, jakaja praduhledžvaje ŭzmocnieny kantrol i davańnie rekamiendacyj dla źnižeńnia vydatkaŭ i pavieličeńnia dachodaŭ.
U 2023 hodzie vosiem krain mieli deficyt, jaki pieravysiŭ bazavaje značeńnie damovy: Italija (-7,4%), Vienhryja (-6,7%), Rumynija (-6,6%), Francyja (-5,5%), Polšča (-5,1%), Malta (-4,9%), Słavakija (-4,9%), Bielhija (-4,4%).
Rumynija ŭžo znachodzicca pad praceduraj praźmiernaha deficytu z 2019 hoda. U 2020-2023 hadach u suviazi z pandemijaj COVID-19 praviła praźmiernaha deficytu nie ŭžyvałasia.
Da kanca hoda Jeŭrakamisija pavinna prapanavać rekamiendacyi pa likvidacyi praźmiernaha deficytu dla kožnaj krainy z kankretnymi kolkasnymi i časavymi paramietrami.
Vienhryja i Słavakija paskardzilisia na Ukrainu ŭ Jeŭrasajuz
Jeŭrasajuz pačynaje pieramovy pra biaźvizavy režym z Armienijaj
Jeŭrapiejski parłamient asudziŭ «nibyta mirnyja namahańni» Viktara Orbana