Biełaruskich vypusknikoŭ płanujuć adpraŭlać pa raźmierkavańni ŭ Rasiju?
Pytańnie ab raźmierkavańni vypusknikoŭ na ŭzroŭni sajuznaj dziaržavy abmiarkoŭvajuć deputaty Biełarusi i Rasii.
26.07.2024 / 16:57
Parłamiencki schod sajuza Biełarusi i Rasii abmiarkoŭvaje mahčymaść raźmierkavańnia vypusknikoŭ na pradpryjemstvy ŭ dźviuch krainach, pryznanyja pryjarytetnymi dla ekanomiki sajuznaj dziaržavy.
Takaja ideja abmiarkoŭvajecca ŭ kamisii pa pracy, sacyjalnaj palitycy i achovie zdaroŭja, pišuć «Minsk-Naviny».
U Biełarusi ŭžo ŭzmacnili ŭvahu da pytańnia metavaj padrychtoŭki navučencaŭ niepasredna na pradpryjemstvach, jakija zadziejničanyja ŭ sajuznaj ekanomicy. Vypusknikoŭ SSNU zabiaśpiečać pracaj na try hady, a tych, jakija atrymali adukacyju ŭ VNU — na piać hadoŭ.
Jak mienavita budzie pracavać takaja sistema raźmierkavańnia, nie paviedamlajecca. U Biełarusi raźmierkavańnie vypusknikoŭ-biudžetnikaŭ źjaŭlajecca abaviazkovym, nieadnarazova ŭzdymałasia pytańnie ab uviadzieńni abaviazkovaha raźmierkavańnia i dla studentaŭ-płatnikaŭ.
U Rasii ž sistemy abaviazkovaha raźmierkavańnia nie isnuje.
Abaviazkovaha raźmierkavańnia dla studentaŭ-płatnikaŭ pakul uvodzić nie buduć