Pavieł Łatuška staŭ łaŭreatam premii «Salidarnaść» imia Lecha Vałensy
Premija «Salidarnaść» prysudžajecca polskim MZS jak pryznańnie zasłuh u prasoŭvańni i padtrymcy demakratyčnych kaštoŭnaściaŭ. Sioleta rašeńnie było pryniata adnahałosna kapitułaj, u jakoj staršynstvuje sam łaŭreat Nobieleŭskaj premii miru Lech Vałensa, paviedamiła Ministerstva zamiežnych spraŭ Polščy.
26.07.2024 / 16:52
Uznaharodu ŭručać na ŭračystaj cyrymonii ŭ Varšavie 18 vieraśnia. Naminavaŭ na jaje biełaruskaha palityka sam ministr zamiežnych spraŭ Polščy Radasłaŭ Sikorski.
«Usprymaju heta jak važny palityčny mesedž z boku Polščy ab stratehičnaj padtrymcy demakratyčnych pamknieńniaŭ biełarusaŭ.
Adnačasova heta pryznańnie dziejnaści ŭsioj našaj kamandy, jakaja viadzie baraćbu za svabodnuju, demakratyčnuju, jeŭrapiejskuju i niezaležnuju Biełaruś, i ŭsich biełarusaŭ, chto zmahajecca za svabodu dla biełaruskaj nacyi», — prakamientavaŭ uznaharodu Pavieł Łatuška.
Paŭła Łatušku vyklikali ŭ polskuju prakuraturu
Łatuška: pryhavoranaha da rasstrełu Kryhiera mohuć abmianiać na supracoŭnika FSB Krasikava
Polskija śpiecsłužby rasśledujuć pahrozu zabojstva Paŭła Łatuški
Łatuška zaklikaŭ žurnalistaŭ i pravaabaroncaŭ ź Jeŭropy skarystacca ź biaźvizu
Łatuška: Ja mahu bajacca pić vadu ci kavu ŭ hramadskich miescach