U Homieli abrynuŭsia budynak byłoha RAUS. U im u 2020-m katavali pratestoŭcaŭ
Abrynańnie budynka byłoha RAUS Centralnaha rajona na vulicy Sialanskaj u Homieli adbyłosia padčas praviadzieńnia ramontnych rabot — na dachu budynka zastalisia składziravanyja budaŭničyja materyjały, a fasad u zonie abvalvańnia byŭ papiarednie aharodžany, piša «Fłahštok».
26.07.2024 / 21:32
Pra paciarpiełych u vyniku abvału pakul nie paviedamlajecca.
Centralnaje RAUS pierajechała ŭ novy budynak na vulicy Hałavackaha ŭ sakaviku 2022 hoda.
Vosieńniu 2023 hoda kompleks byłoha RAUS byŭ vystaŭleny na aŭkcyjon amal za miljon rubloŭ. Kupcu prapanoŭvałasia vykarystoŭvać budynak dla raźmiaščeńnia abjektaŭ hramadzianskaj abarony.
U 2020 hodzie budynak Centralnaha RAUS na vulicy Sialanskaj staŭ miescam katavańniaŭ hramadzian, zatrymanych u Homieli padčas mirnych akcyj pratestu. Mnohija pakidali budynak z surjoznymi traŭmami.
Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna
U Homieli anansavali patryjatyčnuju padśvietku televyški