U Kurskaj vobłaści paśla ataki dronaŭ zaharełasia naftabaza
Naftabaza zaharełasia 28 lipienia kala troch hadzin nočy ŭ Kurskaj vobłaści paśla ataki BPŁA. Kiraŭnictva Kurskaj vobłaści paćvierdziła ataku.
28.07.2024 / 08:08
Pavodle kanała ASTRA, atakavanaja naftabaza» ŭ vioscy Palavaja Kurskaha rajona.
«Siońnia nočču ŭkrainskija bieśpiłotniki atakavali naftabazu ŭ Kurskim rajonie. Zaharelisia 3 reziervuary z palivam. Nichto z žycharoŭ i rabotnikaŭ pramysłovaha abjekta nie paciarpieŭ. U baraćbie z ahniom zadziejničany pažarnyja kamandy ŭ składzie 82 ratavalnikaŭ i 32 adzinki śpiectechniki. Na ciapierašni momant likvidavany pažar na adnym reziervuary. Tušeńnie praciahvajecca», — napisaŭ časovy vykanaŭca abaviazkaŭ hubiernatara Alaksiej Śmirnoŭ.
Minabarony RF zajaviła tolki pra toje, što ŭ Kurskaj vobłaści byli źbityja dva BPŁA.
Pa źviestkach ASTRA, naftabaza ŭ vioscy Palavaja ŭžo hareła paśla ataki dronaŭ 15 lutaha 2024 hoda.